Google ADS

Rrëshqitja e dheut në Norvegji shemb disa shtëpi dhe lë të plagosur disa persona

15:17 | 30 Dhjetor 2020
Trina Galanxhi

Rrëshqitja e dheut në një fshat norvegjez ka lënë të plagosur 9 persona dhe ka shemburdisa shtëpi, nën atë që duket si një llucë e madhe balte në një grykë.

Policia ka deklaruar për transmetuesin NKR se ngjarja ka ndodhur në Gjerdrum, i cili shtrihet rreth 25 km (15 milje) në veri-lindje të kryeqytetit, Oslo, trasnemton portal arbresh.info

Disa qindra njerëz janë evakuuar nga fshati.

“Policia po e përcakton këtë si një katastrofë,” tha kreu i operacionit të policisë lokale, Roger Pettersen.

Kryeministrja norvegjeze Erna Solberg postoi në mediat sociale, duke thënë: “Dhimbje të shohësh se si forca e natyrës kanë shkatërruar fshatin Gjerdrum. Mendimet e mia shkojnë për të gjithë të prekurit nga rrëshqitja e dheut”.

Sipas mediave norvegjeze, rrëshqitja e dheut ka ndodhur në orët e para të mëngjesit të ditës së mërkurë.

Disa njerëz u raportuan të ishin bllokuar dhe policia tha se disa kishin arritur t’u telefononin të afërmve që kërkonin ndihmë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm